Sunday 21 October 2012

பேருந்தின் இருக்கைகள்...

பேருந்தின் இருக்கைகள் பிய்ந்திருக்கின்றன
வயதான கையோ வாலிப கையோ
பிஞ்சு கையோ பெண்ணின் கையோ
பிய்த்திருக்க கூடும்.
டீசல் நெடியில்,
ஜன்னல் ஒவியங்கள் விரைவாய் ஒட
பிடித்தவளையோ பிரச்சனைகளையோ நினைத்து
கொஞ்சம் தத்துவமாய்
உள்ளேயே வசனம் பேசி,
குழப்ப சிந்தனையில்,
மோன நிலையில்,
குறிக்கோள் இல்லாத நிகழ்வாய்
நானும்
பிய்த்திருக்கிறேன் இருக்கைகளை.

3 comments: