Saturday 14 July 2012

நம்ம ஊர் தியேட்டர்களில் பார்த்திருக்கிறேன்...

வெளிநாட்டில், பப்ளிக் பிளேஸில் ஒருத்தர் முதலில் கதவை திறக்கிறார் என்று வைத்துகொள்வோம். 

அனைவரும் போகும் வரை அவர் அந்த கதவை பிடித்து கொண்டே இருப்பார். 

அது ஒரு மேனர்ஸ். 

நம்ம ஊர் தியேட்டர்களில் பார்த்திருக்கிறேன்.

சுண்டு விரலுக்கும் மோதிர விரலுக்கும் நடுவே ஒரு பாப்கார்ன் கோனின் அடிப்பகுதி , நடுவிரலுக்கும் ஆட்காட்டி விரலுக்கும் நடுவே மற்றொரு பாப்கார்ன் கோனின் அடிப்பகுதி , இன்னொரு கையில் இரண்டு மாசா , கழுத்துக்கும் காதுக்கும் இடையே ஒரு அவசர போனை பேசியபடியே தத்தி தத்தி வருவார் குடும்பத்தலைவர். 

அவருக்கு ஒரு செகண்ட் கதவை பிடித்து உதவி செய்யாமல் , நங்கென்று மோதும் படி, கதவை விட்டு விட்டு உள்ளே சென்று “அடுத்தவனுக்கு உதவி செய்யனுனும்கிற “ வசனத்தை ஹீரோ பேசும் போது சிலிர்த்து கிளர்ந்து பார்ப்போம்...

No comments:

Post a Comment