கலவி செய் சிலந்திகளை...

கலவி செய் சிலந்திகளை
கவ்வி விழுங்கியது ஒணான்.

முக்கி களைத்து முட்டையிட்டு
சக்தி திரட்டி காத்தல் இல்லை.

தாய்மை- தியாகம்
ஆண்மை-அரண்

எதுவுமில்லை;வாரிசு வராது.

எச்சிலெடுத்து வலை பின்னக்
கற்றுக் கொடுக்கும் கக்ஷ்டமில்லை.

முற்றி முதிர்ந்து, கால் உதிர்ந்து
வற்றி மடியும் அழிவில்லை.

கூடலில் கனலாய் காய்ந்து
உடலுள் உடலும் இணைந்து,

உள்ளே உள்ளம் ஒன்றி
இன்பத் திளைப்பில் மரணம்

ஒணான் இறை அவதாரம்!